Оҳангаронда иккита “Нексия” тўқнашди

Тошкент вилоятининг Оҳангарон туманида йўл-транспорт ҳодисаси юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

26 июль куни  Тошкент шаҳар Олмазор туманида яшовчи С.В. ўзининг “Нексия” русумли автомашинасини туман ҳудудидан ўтувчи “Гулистон-Бўка-Ангрен-Андижон-Ўш” автомобиль йўлининг 160-км.да ҳайдаб кетаётиб, бошқарувни эплай олмай йўл четида тўхтаб турган Тошкент шаҳар Учтепа туманида яшовчи Ж.М. бошқарувидаги “Нексия” русумли автомашинаси билан тўқнашув содир этган. 

Натижада “Нексия” автомашинаси йўловчиси К.С. тан жароҳати олган ва унга касалхонада тиббий ёрдам кўрсатилган.