АҚШ ва Жанубий Корея дипломатлари КХДР бўйича «соатларни текшириб олишди»

Фото: Getty Images

АҚШ давлат котибининг биринчи ўринбосари Жон Салливан Вашингтонда Жанубий Корея ташқи ишлар вазирининг ўринбосари Чо Хён билан учрашди ва КХДР атрофидаги вазиятни муҳокама қилди, дея хабар беради РИА Новости.

«Улар КХДРнинг якуний, тўлиқ тасдиқланган ядросизланишига эришиш йўлидаги яқин ҳамкорликни тасдиқладилар. КХДР етакчиси Ким Чен Ин Сингапурда айнан шунга рози бўлганди», - дейилади хабарда.

Аввалроқ, АҚШ президенти Дональд Трамп Корея уруши пайтида ҳалок бўлган америкалик ҳарбийларнинг хокини қайтариш бўйича ваъдасини бажарган Шимолий Корея раҳбари Ким Чен Инга миннатдорлик билдирганди.

Унинг сўзларига кўра, Ким Чен Ин ўз ваъдасини тўлиқ бажарди.