Туркманистоннинг Ўзбекистондаги янги элчиси тайинланди

Фото: UzReport

Туркманистон президенти Гурбангули Бердимуҳамедов мамлакатнинг Ўзбекистондаги янги фавқулодда ва мухтор элчисини тайинлади.

Туркманистон президентининг фармонига кўра, Язгули Маммедов Туркманистоннинг Ўзбекистон Республикасидаги фавқулодда ва мухтор элчиси этиб тайинланди.

Бундан олдин у Туркманистоннинг Малайзия, Бруней-Доруссалом Давлати, Индонезия ва Таиланддаги фавқулодда ва мухтор элчиси лавозимини эгаллаган.

Бошқа бир фармон билан Шири Шириев Туркманистоннинг Ўзбекистондаги фавқулодда ва мухтор элчиси лавозимидан бошқа ишга ўтиши муносабати билан озод этилди.