Орамизда апельсинни бирор марта истеъмол қилмаган одам бўлмаса керак. Энди унинг нафақат таъмини, балки унга оид қизиқарли фактларни билиш вақти келди.
- Апельсин бу - гесперид резавор мева турларидан (тери билан қопланган резавор мева) бири.
- Нордон апельсин тахминан 10 асрда Европа ҳудудига португалиялик денгизчилар, ширини эса 15 асрда генуялик савдогарлар томонидан келтирилган.
- Дунёда етиштириладиган жами апельсинларнинг деярли 20 фоизи мева ҳолида сотилади ва истеъмол қилинади. Қолган қисми эса шарбат, экстракт ва консервалар ишлаб чиқаришга кетади.
- Апельсин дарахти юз йилгача умр кўриши мумкин.
- Апельсиннинг «Вашингтон Навел» навида данаклар бўлмайди, шунинг учун чанглантириш йўли билан кўпаймайди, фақат пайвандлаш орқали амалга оширилади.
- Битта цитрус дарахтнинг 60 минг донагача гули бўлиши мумкин, бироқ бор-йўғи 1 фоизидагина мевалар етилади.
- Апельсиннинг «Валенсия» нави бу меванинг дунёда энг кўп тарқалган нави саналади.
- Апельсинлар ҳосилдорлик рамзи саналади. Доимо яшил тусдаги ушбу дарахт бир вақтнинг ўзида гуллайди, мева тугади ва баргларини тўкади.
- Бир дона апельсинда мавжуд клетчаткага эга бўлиш учун етти ликопча маккажўхори бодроқларини истеъмол қилиш керак.
- Дунёда шоколад ва ванилдан кейин апельсин ҳиди энг ёқимли ҳид дея тан олинган.
- Апельсин – дунёда энг кенг тарқалган цитрус.
- Апельсин дарахтлари илк бор Хитойда етиштирилган.
- Статистика бўйича одам ҳар йили тахминан 5,5 кг цитрус истеъмол қилади, шунинг катта қисмини апельсинлар ташкил этади.
- 18 асрда британиялик денгизчилар денгиз касаллигига чалинмаслик учун ўзлари билан кемага карамдан ташқари, апельсин ҳам олишган.
- Бир дона апельсин таркибида С витаминининг кунлик нормаси мавжуд.
- Бир дона апельсин данагидан бир нечта дарахт ўсиши мумкин.
- Кўпгина маданиятларда апельсин дарахти ва унинг мевалари муҳаббат рамзи саналади. Реннесанс даври суратларида рассомлар севишган жуфтликни апельсин дарахтлари орасида турган ҳолда тасвирлаганлар.
