АПЛ. «Челси» - «Арсенал» ўйинида 5та гол урилди, ғалаба «кўклар» томонида бўлди

Фото: AP

Англия Премьер-Лигаси 2-турида мухлислар Лондон дербисининг гувоҳи бўлишди - «Стэмфорд Бриж»да «Челси» ва «Арсенал» клублари беллашди.

Ўйиннинг дебюти «Челси» фойдасига ҳал бўлди. 9 ва 20 дақиқаларда Педро ва Мората голлари ҳисобига «кўклар» 2:0 ҳисобида олдинга чиқиб олишди. Бироқ, «Арсенал» ирода намойиш қилиб, бўлим охирида зўр ўтказди ва ҳисобни тенлаштирди. Мхитарян ва Ивоби голларидан сўнг, таблога 2:2 ҳисоби ёзилди.

Иккинчи бўлим тенг курашлар остида ўтган бўлса-да, «Челси» сўнгги дақиқаларда ғалабани илиб кетди. Маркос Алонсо жамоасининг 3-голига муаллифлик қилди.

Бу натижадан сўнг, «Челси» 6 очко билан 1-ўринга чиқиб олди, «Арсенал» эса бирорта очкога эга бўлмасдан, 17-ўринда бормоқда.

АПЛ, 2-тур
Челси – Арсенал 3:2
18 август, «Стэмфорд Бриж» стадиони
Голлар: 1:0 – 9 Педро, 2:0 – 20 Мората, 2:1 – 37 Мхитарян, 2:2 – 41 Ивоби, 3:2 – 81 Алонсо.
Челси – Аррисабалага, Рюдигер, Алонсо, Аспиликуэта, Давид Луиз, Баркли (Ковачич, 60), Жоржиньо, Виллиан (Азар, 61), Канте, Педро, Мората (Жиру, 75).
Арсенал – Чех, Папастатопулос, Монреаль, Бельерин, Мустафи, Гундузи, Чака (Торрейра, 46), Ўзил (Рэмзи, 68), Мхитарян, Ивоби (Ляказетт, 75), Обамеянг.
Огоҳлантиришлар: Чака (27), Мустафи (77).