Ўтган ҳафта Африка яқинида йўқолиб қолган танкер топилди

Фото: frontnews.eu

Ўтган ҳафта Африка соҳиллари яқинида йўқолиб қолган “Пантелена” танкери топилди. Танкер бортида 17 нафар грузиялик ва 2 нафар россиялик денгизчи бўлган. Танкер Овендо портига (Габон) етказилган. Маълум қилинишича, кема топилгани ҳақида Марказий Африка денгиз хавфсизлиги ҳудудий маркази хабар қилган.

Хабарда айтилишича, бортида 7 минг тонна ёнилғи бўлган танкер АҚШ сунъий йўлдошлари томонидан топилган. Кема экипажи аъзолари саломатлиги ва кеманинг алоқага чиқмагани сабаблари ҳозирча маълум қилинмаяпти.

Ўтган ҳафта Грузия ташқи ишлар вазирлиги Pantelena IMO 9321469 кемаси йўқолиб қолганини маълум қилганди. Вазирликнинг маълум қилишича, кема охирги марта 14 августда Гвинея кўрфазидан алоқага чиққан.

Кема Грециянинг Lotus Shipping компаниясига тегишли.

Тайёрлаган: Шуҳрат Раҳимов

#Африка #танкер