Фото: Ҳасан Пирмуҳаммедов
Ўзбекистон бокс терма жамоасининг -60 кг вазн тоифасидаги вакили Шунқор Абдурасулов Осиё ўйинлари чорак финалига йўл олди.
Нимчорак финалда у филиппинлик Жеймс Палистега қарши рингга кўтарилиб, мутлақ устунликка эришди ва 5:0 ҳисобида ғалаба қозонди.
Энди у чорак финалда 28 август куни қирғизистонлик Арген Қодирбек ўғлига қарши жанг қилади.
Бундан аввалроқ -52 вазн тоифасидаги Жасурбек Латипов ҳам илк жангда ғалаба қозониб, чорак финалга йўл олганди.
Бугун Ўзбекистон бокс жамоасининг яна бир вакили, -69 кг вазн тоифасидаги Бобоусмон Батуров нимчорак финал доирасида хитойлик Қионг Маимаититу Эрсун билан жанг қилади.
