Порошенко украиналик танкчиларнинг машқларидан «кучли» видеони кўрсатди

Украина президенти Пётр Порошенко украиналик танкчиларнинг машқларидан «қизғин» видеони ўзининг фейсбукдаги саҳифасида бўлишди.

Украина президентининг айтишича, бу видеони интернетда тасодифан кўриб қолган.

«Балли, йигитлар! Сизлар - қудрат, жанговар кайфият ва туганмас оптимизмни ўзингизда акс эттирасиз. Бизнинг ғалаба аниқ. Гап - кучда!», - дея ёзган Порошенко.

У кадрларда тасвирланган машқлар қачон ва айнан қаерда ўтказилганига аниқлик киритмади.

9 сентябрь куни Украинада Танкчи куни нишонланади.

Эслатиб ўтамиз, аввалроқ Украина разведкаси Захарченкога суиқасдни ким ташкиллаштирганини маълум қилганди.

Билдирилишича, ўзини мустақил деб эълон қилган «Донецк халқ республикаси» («ДХР») собиқ етакчиси Александр Захарченкога суиқасдни Россия томони ташкиллаштирган.