АҚШ коалицияси Сурия вилоятидан ИШИД "мансабдорлари"ни олиб чиқиб кетди - ОАВ

Фото : SANA

АҚШ бошчилигидаги халқаро коалиция Суриянинг Дайр-аз-Зор вилоятидан ИШИД террорчилик гуруҳи жангариларини олиб чиқиб кетди, деб хабар берди SANA агентлиги ўз манбасига таяниб.

"Коалиция ИШИД жойлашган Дайр-аз-Зор вилоятидаги ал-Марашда қишлоғи яқинида вертолётлар ёрдамида террорчилик гуруҳининг юқори лавозимдаги раҳбарларини номаълум тарафга олиб кетди", — дейилади агентлик хабарида.

АҚШ ва унинг иттифоқчилари 2014 йилдан буён Ироқ ва Сурияда ИШИДга қарши операция ўтказмоқда.