Германияликлар Меркелни мамлакат фахри деб эътироф этишди

Фото: Reuters

Германияда немислар ким билан фахрланиши борасида сўров ўтказилди. Сўров натижалари Welt am Sonntag газетасида эълон қилинди.

Маълум қилинишича, немислар энг кўп Германиянинг амалдаги канцлери Ангела Меркель билан фахрланишади. Унга сўровда қатнашганларнинг 16%и овоз берган.

Иккинчи ўринда Германиянинг собиқ канцлери Гельмут Шмидт жойлашди(11%). Учинчи ва тўртинчи ўринларни ҳам собиқ канцлерлар — Вилли Брандт ва Гельмут Коль эгаллади.

Сўров натижалари мамлакат аҳолиси спортчи, ёзувчи ва олимлардан кўра сиёсий арбоблари билан фахрланишини кўрсатди.