Украина ташқи ишлар вазири Павел Климкин мамлакат президенти Пётр Порошенконинг нутқи пайтида ухлаб қолди. Бу ҳақда «РИА Новости» Украинанинг «Пятий канал» телеканали трансляциясига асосан хабар бермоқда.
Видеоёзув кадрларидан кўриш мумкинки, украиналик вазир кўзини юмиб олган ҳолда ва боши бир чеккага эгилган ҳолда ўтирган. Шунингдек, агентликнинг таъкидлашича, Порошенконинг нутқ вақтида залдаги ўриндиқларнинг бир қисми бўш турган.
Украина президенти 25 дақиқалик маъруза билан чиқиш қилди. У нутқининг тўртдан уч қисмини Россияга бағишлади, Украинага эса - уч ярим дақиқа вақт ажратилди.
Эслатиб ўтамиз, аввалроқ Лавров эшикни адаштириб юборган Порошенконинг устидан кулганди.
