Саудия Арабистони Россия ва Туркиянинг Идлиб бўйича келишувига баҳо берди

Фото: SANA/Reuters

Саудия Арабистони ташқи ишлар вазири Одил ал-Жубайр Суриянинг Идлиби бўйича Россия-Туркия келишувини «жуда яхши», деб атади. Бу ҳақда РИА Новости хабар бермоқда.

Ал-Жубайрнинг сўзларига кўра, у воқеаларнинг ҳозирги ривожини «ижобий» деб ҳисоблайди ҳамда минтақадаги можаро музокаралар йўли билан ҳал этилишига умид қилади.

Эслатиб ўтамиз, аввалроқ Америка Қўшма Штатлари президенти Дональд Трамп Идлибда миллионлаб одамлар ҳалок бўлиши мумкин экани ҳақида маълум қилганди.

Америка президентининг таъкидлашича, Суриянинг Идлибида кенг кўламли ҳарбий амалиёт ўтказилишига қарши. Унинг хабар беришича, АҚШ маъмуриятини бу вилоятда йирик амалиётга «йўл қўймасликка» чақирган.