Непалда тўхтамаётган ёмғирлар 117 кишининг ҳаётига зомин бўлди

Непалда охирги 5 ой давомида кучли ёғингарчилик сабабли юзага келган тошқинлар оқибатида камида 117 киши ҳалок бўлди, 183 киши жабрланди.

Маҳаллий ОАВнинг фавқулодда вазиятлар миллий марказига иқтибос келтирган ҳолда маълум қилишича, кучли ёмғирлар апрель ойидан бери тўхтамаяпти.

Шу давр ичида Непалда 310 та кўчки ва 80 дан кўпроқ тошқин қайд қилинган. Табиий офатдан 2,2 мингга яқин оила жабр кўрган.