Қўшимча функционаллар
-
Тунги кўриниш
АҚШ прокуратураси Сайфулло Соипов учун ўлим жазосини талаб қилди
Фото: AP
АҚШ прокуратураси 2017 йилнинг 31 октябрь куни Нью-Йоркда террорчилик ҳаракати содир этган, асли келиб чиқиши ўзбекистонлик бўлган Сайфулло Соипов учун қатл этиш тарзидаги жазони талаб қилди. Бу ҳақда NBC News.
Телеканал маълумотларига кўра, Нью-Йорк штатида энг олий жазо 1953 йилдан бери қўлланилмаган.
Таъкидланишича, Соиповнинг адвокатлари прокуратура қароридан норози эканликларини билдиришган.
Эслатиб ўтамиз, аввалроқ Сайфулло Соиповнинг адвокатлари Трампдан норози экани, у ўз баёнотлари билан терговга босим ўтказаётгани айтилганди.
Нью-Йоркда теракт содир этиш ва саккиз кишини ўлдиришда айбланаётган асли келиб чиқиши ўзбекистонлик бўлган Сайфулло Соиповнинг адвокатлари фикрича, АҚШ президенти Дональд Трамп ўзининг баёнотлари билан терговга босим ўтказмоқда.
