АҚШда «Майкл» бўрони қурбонлари сони ошмоқда

Фото: The New York Times

Америка Қўшма Штатларида «Майкл» бўрони оқибатида 16 киши қурбон бўлди, бу рақам ортиши мумкин. Бу ҳақда The New York Times расмийлар маълумотига асосан хабар бермоқда.

Американинг Флорида штати шимоли-ғарбий қисми ва Виржиния штати бўрондан энг кўп жабр кўрди. У кўплаб уйларнинг вайрон бўлишига олиб келди, 1,5 миллион одам электр энергиясиз қолди.

Айни дамда қутқарувчилар воқеа жойида ишламоқда. Газетанинг қайд этишича, штатдаги кўплаб аҳоли пунктлари қурбонлар ҳақида хабар бермаган. Бироқ, қутқарувчилар омон қолганларни топишга умид қилаётган бўлса-да, қурбонлар сони кўпайиши эҳтимолдан холи эмас.