20 млн сўмлик заргарлик буюмларини ўғирлаб кетган шахс қўлга олинди

Иллюстратив фото

Бухоро шаҳрида шу йил 1 сентябрь куни Мустақиллик кўчасида яшовчи Ф.А. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Унда шу йил 23 августдан 31 августгача бўлган вақт оралиғида номаълум шахслар унинг уйига очиқ қолган эшиги орқали кириб, хонасидан ичида 750 минг сўм пули, 1750 АҚШ доллари ва умумий қиймати 20 млн. сўмлик заргарлик буюмларини ўғирлаб кетганликларини маълум қилган.

Ҳолат юзасидан жиноят иши қўзғатилган. Кўрилган чоралар натижасида ушбу жиноятни Навоий шаҳрида яшовчи Ж.Т. ва А.К. содир этганликлари аниқланиб, ушланганлар.

Тергов давом этмоқда.

Тайёрлаган: Отабек Матназаров

#Бухоро #ўғрилик