Эл Класикога бош ҳакам тайинланди

Ла Лига Испания чемпионатининг 10-туридан ўрин олган «Барселона» – «Реал» ўйинига расмийларини тайинлади.

Беллашувни Хосе Мария Санчес Мартинес бош ҳакам сифатида бошқаради. Май ойида, «Камп Ноу»да ўтказилган сўнгги Эл Класикони (2:2) бошқарган Алехандро Хосе Эрнандес Эрнандес бу сафар видео-ёрдамчи сифатида ишлайди.

35 ёшли Санчес «Барселона» билан «Реал» ўйинларини 2 марта бошқарган. Ўтган йилнинг август ойида бўлиб ўтган Испания Суперкубоги баҳсида «Реал» 2:0 ҳисобида ғалаба қозонган. 2017 йилнинг декабрь ойида «Барселона» сафарда 3:0 ҳисобида зафар қучган эди.

«Барселона» – «Реал» ўйини якшанба, 28 октябрь куни соат 19:15да бошланади.