Испания Гибралтар масаласи бўйича келишувга эришилгани сабабли Brexit бўйича келишувга қўйилган ветони бекор қилади. Бу ҳақда Испания ҳукумати раиси Педро Санчес маълум қилди.
"Европа ва Буюк Британия Испания томонидан билдирилган талабларга рози бўлди, шу сабабли Испания ветони бекор қилади ва 25 ноябрь куни ЕИнинг фавқулодда йиғилишида Brexit бўйича келишувга розилик беради", -деди у.
25 ноябрь куни Брюсселда ЕИ давлат ва ҳукумат раҳбарларининг фавқулодда йиғилиши ўтказилади. Унда Brexit бўйича келишув лойиҳаси маъқулланиши кутилмоқда. Мадрид Испания ва Буюк Британия ўртасидаги баҳсга сабаб бўлаётган Гибралтар ҳудуди сабабли келишувга вето қўйиш билан таҳдид қилиб келаётганди.
