Афғонистоннинг Гилменд вилоятида ҳукумат кучларининг авиазарбаси оқибатида камида 30 киши ҳалок бўлди. Бу ҳақда TOLOnews телеканали маълум қилди.
Таъкидланишича, авиазарба 27 ноябрда “Толибон” жангариларининг Гармсир туманида жойлашган қишлоқдаги позицияларига берилган. Ҳужум оқибатида жангарилар билан бирга тинч аҳоли вакиллари ҳам ҳалок бўлган.
Маҳаллий фуқаролардан бирининг айтишича, барча қурбонлар бир оиланинг аъзолари бўлган. Оиладан фақат бир киши – ўсмир тирик қолган. У вилоятдаги марказий шифохонага етказилган.