Учтепа туманида юз берган ўзаро жанжал оқибатида бир киши вафот этди

2019 йил 5 январь куни Тошкент шаҳрининг Учтепа туманида яшовчи Г.Д. маст ҳолда қўшниси М.П.нинг уйида у билан ўзаро жанжаллашиб, унинг бош ва баданининг турли жойларига уриб-тепиб жароҳат етказган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада М.П. олган жароҳати бўйича ҳеч қаерга мурожаат қилмай, 7 январь куни уйида вафот этган. 

Ҳолат юзасидан жиноят иши қўзғатилиб, Г.Д. қўлга олинган. Тергов ҳаракатлари олиб борилмоқда, дейилади хабарда.