Тимошенко Донбассда мухтор минтақани ташкил этишга қарши чиқди

Фото: РИА Новости

Украина президентлигига номзод, «Батькившчина» партияси етакчиси Юлия Тимошенко Донбассга мухтор минтақа мақомини тақдим этиш ташаббусига қарши чиқди. Бу ҳақда РИА «Новости» хабар қилмоқда.

«Донбассда мухторият ташкил этиш ҳақида турли фикрлар янгради. Бунга мутлақо йўл қўйиб бўлмайди. Бу бизнинг ҳудудимиз, бу бизнинг еримиз», - дея маълум қилди Тимошенко.

Унинг фикрига кўра, минтақадаги вазиятга ечим топиш бўйича музокаралар жараёни боши берк кўчага кириб қолди.

Эслатиб ўтамиз, аввалроқ Порошенко россиялик кузатувчиларни сайловларга киритмасликка қарор қилганди.

Тайёрлаган: Отабек Матназаров

#Донбасс #Юлия Тимошенко

2019 йил 31 мартда Украина президентлиги учун сайлов ўтказилади. Унда иштирок этиш учун 44 номзод, шу жумладан амалдаги президент Пётр Порошенко ҳужжат топширган.