Фото: Reuters/Scanpix
Америкалик профессионал боксчи Флойд Мейвезернинг маълум қилишича, Мутлақ жангчилар чемпионати (UFC) билан бир миллиард долларлик шартнома имзолаши мумкин. Бу, агар у октагонда жанг қилишга рози экани ҳақида ташкилот президенти Дана Уайтга айтганида, юз берарди.
«Мен ҳозирнинг ўзида UFC’га боришим мумкин. Уч ёки тўртта жанг, бир миллиардлик шартнома. Буни фақат хоҳласам бўлди», - дея собиқ спортчининг сўзларини келтиради TMZ.
Шунингдек, Мейвезернинг тан олишича, ҳозир ўзида бундай пулга эҳтиёж йўқ.
«Ростини айтаман, ажойиб ҳаётга эгаман. Ақлли сармоялар. Ҳар ой ўзим хоҳлаган нарсани сотиб олишим мумкин», - дея қўшимча қилиб ўтди у.
Эслатиб ўтамиз, аввалроқ Нурмагомедов ва Мейвезер ўртасидаги жанг бир миллиард долларга баҳоланганди.
