«Очиқ гапира олмаймиз»: Абэ Путин билан музокараларнинг «махфийлигини» тушунтирди

Япония бош вазири Синдзо Абэнинг маълум қилишича, Россия президенти Владимир Путин билан шахсий музокаралари очиқланмайди, сабаби томонлар юқори даражадаги «самимийлик»ни сақлаб қолиши керак. Бу ҳақда РИА «Новости» хабар бермоқда.

Абэ ушбу баёнот билан парламентнинг бюджет қўмитасидаги нутқи вақтида чиқиш қилди.

Собиқ ташқи ишлар вазири Кадзуя Окада бош вазирдан, япон сиёсатчилари Путин билан уч соатлик музокаралар ёзуви билан танишиши мумкин ёки мумкин эмаслиги ҳақида сўради

«Бу президент Путин билан яккама-якка музокаралардир. Табиийки, улар самимий бўлиши керак, шунинг учун ҳозир тафсилотлар ошкора қилинса, унда кейинги сафар ҳам у, ҳам мен, очиқ гаплаша олмаймиз», - дея тушунтирди Абэ.

Унинг қайд этишича, томонлар шахсий музокаралар форматига келиши «қийин» бўлди ҳамда «одамлар кўп бўлган ерда» айтилмайдиган нарсалар мавжуд. 

Эслатиб ўтамиз, аввалроқ ОАВ АҚШ ракеталари учун идеал жойни маълум қилганди.