«Ўзбекистон» меҳмонхонасига харидор чиқди

Фото: KUN.UZ

Кувайтнинг Alshaya Group компанияси Ўзбекистонда меҳмонхона бизнеси билан шуғулланишга қизиқиш билдирмоқда. Хорижий компания яқин кунларда Тошкент шаҳридаги «Ўзбекистон» меҳмонхонасида бўлган давлат улушини сотиб олиши мумкин, деб хабар бермоқда Kun.uz мухбири.

14 февраль куни компания ижрочи директори Муҳаммад ал-Шай бошчилигидаги делегация Ўзбекистон Республикаси Ташқи савдо ва инвестициялар вазирлигида музокаралар олиб борди. Учрашувда араб ишбилармонлари меҳмонхона бизнеси, хусусан «Ўзбекистон» меҳмонхонасидаги давлат улушини сотиб олишга қизиқиш билдирган.

Фото: Ўзбекистон Ташқи савдо ва инвестициялар вазирлиги

Эслатиб ўтамиз, ҳукумат машҳур «Ўзбекистон» меҳмонхонасидаги давлат улушини сотиши ҳақида хабар тарқатганди. 1974 йили қурилган меҳмонхона биноси 33 миллион АҚШ долларига баҳоланмоқда. Бинода сўнгги реконструкция ишлари 2010 йили олиб борилган.

Тайёрлаган: Алишер Рузиохунов

#Ўзбекистон #меҳмонхона