Самарқанд шаҳри ҳокимига биринчи ўринбосар тайинланди

27 февраль куни Самарқанд шаҳар ҳокимлиги мажлислар залида ўтказилган йиғилишда ташкилий масала кўриб чиқилди.

Ҳокимлик матбуот хизмати хабар беришича, Акрам Ўрозқулович Эгамов шаҳар ҳокимининг иқтисодиёт ва тадбиркорлик масалалари бўйича биринчи ўринбосари лавозимига тайинланди.

Айни вақтда Самарқанд шаҳар ҳокимининг инвестициялар, инновациялар, ҳусусийлаштирилган корхоналарга кўмаклашиш ва кичик саноат зоналари ҳамда туризмни ривожлантириш масалалари бўйича ўринбосари лавозими бўш қолмоқда.