АҚШда 131 автомобиль иштирокида йирик йўл-транспорт ҳодисаси содир бўлди
Фото: Winnebago County Sheriff’s Office via AP
АҚШнинг Висконсин штати тарихидаги энг йирик ЙТҲ юз берди, деб хабар қилди vesti.ru. хабарда айтилишича, у ерда 131 та автомобиль бир-бири билан тўқнашиб кетган.
Ҳодиса оқибатида 1 киши ҳалок бўлган, 71 киши жароҳатланган.
ЙТҲ юз берган шосседа бир неча километр узунликда тирбандлик пайдо бўлган. Ҳодисага об-ҳавонинг ёмонлиги сабаб бўлган, деб хабар қилди "Россия 24" телеканали.
Гувоҳларнинг сўзларига кўра, қалин қор ёғиши натижасида йўлни кўриш даражаси икки метрдан ошмаган.
Аввалроқ Канаданинг Онтарио провинциясида 70 та автомобиль тўқнашиб кетгани хабар қилинганди.