«Барселона» Модрич билан ҳазил қилди

Фото: REUTERS

Испания Қирол Кубоги ярим финалининг жавоб ўйинида «Барселона» Мадридда «Реал»ни 3:0 ҳисобида енгганидан хабарингиз бор. Ўша куни «Олтин тўп»нинг амалдаги соҳиби Лука Модрич рақиби Лионель Мессининг футболкасидан тортиб қолаётган сурати машҳур бўлиб кетганди.

«Барселона» расмий твиттери бу ҳолатни енгил ҳазилга олди. «Мессининг футболкасини клубнинг онлайн-дўконида олиш осонроқ»,- деб ёзади клуб расмий твиттери. Онлайн-дўконнинг веб манзили кўрсатилган бу эълонга Модрич Мессининг либосини тортаётган расм илова қилинган.

🔵🔴 It's much easier to get a #Messi shirt by going to our online store 👉 https://t.co/Of4Zk6Ygg9 😋 pic.twitter.com/Q5VC9dtSXZ
— FC Barcelona (@FCBarcelona) March 1, 2019

Таъкидлаш жоиз, Модрич футболдаги Месси ва Роналдунинг 10 йил давом этган гегемонлигига чек қўйиб, 2018 йил якунларига кўра «Олтин тўп»ни қўлга киритганди.

#Барселона #Лука Модрич #Лионель Месси