Ироқдаги Тигр дарёсида паром чўкиши оқибатида ҳалок бўлганлар сони 93 нафаргача ошди. Бу ҳақда Al Arabiya телеканали хабар берди.
Al Sumaria телеканалининг маълум қилишича, фожиага алоқадорлик гумони билан 9 киши ушланган.
Ироқ бош вазири Одил Абдул Маҳдий дарҳол тергов ўтказишни буюрган.
Дастлабки версияга кўра, паромнинг чўкишига унинг меъёридан 3 марта кўп юклангани сабаб бўлган. Араб телеканаллари маълумотларига кўра, паром бортида 170 дан 250 гача киши бўлган бўлиши мумкин, ваҳоланки у 75 йўловчига мўлжалланган бўлган. Қурбонлар кўплиги улардан кўпчилиги болалар бўлгани ва кучли оқим билан тушунтирилмоқда.