Мельбурндаги Австралия боғида жойлашган кўл табиий равишда пушти рангга кирди. Бу ҳақда «Би-би-си» хабар бермоқда.
Таъкидланишича, Вестгейт шўр кўлининг ёрқин пушти ранги катта миқдордаги қуёш нури, кам ёғингарчилик ва иссиқлик билан боғлиқ.
«Бундай шароитда кўлдаги сув ўтлари бета-каротин деб номланган қизил рангли пигментни ишлаб чиқаради», - дейилади материалда.
Аниқлик киритилишича, кўлнинг ноёб рангини суратга олиш мақсадида бўлган сайёҳларнинг сони кескин ошиб кетган. Ташриф буюрувчилар сўзига кўра, кўлдан палағда тухум ҳиди келяпти.