Австралия Ассанжга «махсус» ёрдам тақдим этишдан бош тортди

Фото: REUTERS / Henry Nicholls

Австралия бош вазири Скотт Моррисоннинг маълум қилишича, WikiLeaks асосчиси австралиялик Жулиан Ассанж мамлакат ҳукумати томонидан «махсус» ёрдам олмайди. Бу ҳақда РИА «Новости» хабар бермоқда.

Унинг сўзларига кўра, Ассанжга исталган австралияликка бўлгани каби одатий консуллик ёрдами тақдим этилади.

Шунингдек, унинг қўшимча қилишича, WikiLeaks асосчиси қонун олдида жавоб бериши керак.

Бундан олдин, Эквадорда Ассанжнинг шериги ушлангани хабар қилинганди.

Журналист, WikiLeaks сайти асосчиси Жулиан Ассанж жосуслик можаролари ҳақидаги ўта махфий материалларни эълон қилиб келган. 2010 йилда Швецияда уни ҳибсга олиш учун ордер берилди. 2012 йилда Ассанж Эквадорнинг Лондондаги элчихонасига яширинди ва ушбу давлат раҳбариятидан сиёсий бошпана сўради. У етти йил давомида элчихонада яшади, 2019 йил 11 апрель куни Эквадор унга бошпана бўйича рад жавоби берди.

Тайёрлаган: Отабек Матназаров

#Австралия #Жулиан Ассанж