Хитойнинг Куньмин шаҳрида номаълум эркак ҳайвонот боғига келиб, у ердаги жирафага пул едирмоқчи бўлди. South China Morning Post нашри маълумотларига кўра, у жирафа сақланган вольерга 10 минг юан пул улоқтирган.
Натижада ҳайвонот боғи ходимлари сочилган пулларни йиғиштириб олиш учун жирафани озуқа билан чалғитиб туришларига тўғри келган.
Ушбу қилмишни содир этган эркакни ушлашнинг иложи бўлмаган. Вольер ёнида турган одамлар ҳеч нарса кўришмаганини айтишган. “Сирли” эркакни излашга полиция жалб қилинган.
