Тошкент халқаро аэропорти божхоначилари томонидан навбатдаги божхона қонунбузилиши ҳолати ўз вақтида фош этилди. Бу ҳақда Давлат божхона қўмитаси ахборот хизмати хабар бермоқда.
Маълум қилинишича, хорижий давлатдан учиб келиб, «яшил» йўлак орқали ҳаракатланган фуқаро божхоначилар эътиборини тортган.
«Белгиланган тартибда текширувдан ўтказилган фуқаронинг юклари орасидан тегишли рухсатномаси бўлмаган ва божхона декларациясида кўрсатиб ўтилмаган 250 дона ов қуроли учун мўлжалланган гильзалар борлиги аниқланди» , — дейилади қўмита ахборотида.
Ҳозирда ушбу ҳолат юзасидан текширув ишлари давом этмоқда.
