Дубайдаги йўл-транспорт ҳодисасида 15 киши ҳалок бўлди

Фото: Dubai Police / Twitter

Дубайда сайёҳлар автобуси иштирокидаги йўл-транспорт ҳодисасида 15 киши ҳалок бўлди. Бу ҳақда амирлик полицияси твиттерда маълум қилди.

Автоҳалокат 6 июнь кечки вақт Шайх Муҳаммад бин Зайд шоссесида юз берган. Автобусда бўлган яна 5 киши оғир жароҳатлар олган. Уммон давлат рақамига эга бўлган автобусда ҳаммаси бўлиб 31 йўловчи бўлган.

Ҳозирча йўловчиларнинг миллатлари ва воқеанинг бошқа тафсилотлари келтирилмаган.