Самарқанддаги тўққиз қаватли уйда портлаш юз берди

Фото: stv.uz

Самарқанддаги кўп қаватли уйнинг биринчи қаватида 8 июндан 9 июнга ўтар кечаси портлаш содир бўлди. Бу ҳақда stv.uz хабар берди.

Портлашга газ сизиб чиқиши сабаб бўлганлиги тахмин қилинмоқда. Маҳаллий ОАВнинг хабарига кўра, ҳодиса оқибатида ҳеч ким жабр кўрмаган.

24-умумтаълим мактаби яқинида жойлашган тўққиз қаватли бу бинони маҳаллий аҳоли «Титаник» деб атайди. Гувоҳларнинг сўзларига кўра, бахтсиз ҳодиса юз берган вақтда хонадонда ҳеч ким бўлмаган. Хонадон эгаларидан бири ҳозирда хорижда бўлиб, хонадондан унинг синглиси вақти-вақти билан хабар олиб туради.

Воқеа жойига етиб келган ёнғин ўчириш хизмати ходимлари ёнғинни ўчиришган. Ҳозирда портлашнинг аниқ сабаблари ўрганилмоқда.