АҚШ президенти Дональд Трамп твиттерда Лондонга янги мэр кераклигини ёзди. Бундай кескин баёнотга Британия пойтахти мэри Содиқ Хоннинг танқидга учраши сабаб бўлган: Оқ уй эгаси британиялик журналист Кэти Хопкинс мақоласига шундай изоҳ берган.
Мақолада Лондонда бир кундан камроқ вақт ичида жиноятчилар қўлидан 3 нафар маҳаллий вакил жабр кўргани, яна 3 киши ҳужумлар оқибатида ҳалок бўлгани айтилган.
“Лондонга иложи борича тезроқ янги мэр лозим. Хон – бу ҳақиқий фалокатдир ва фақатгина баттарроқ бўлаверади”, деб ёзган Трамп.
Аввалроқ ҳам АҚШ президенти Хонни танқид қилиб, уни омадсиз деб атаган ҳамда у ёмон ишлаши ва диққат-эътиборини Лондондаги жиноятчиликка қаратиши лозимлигини айтганди.