Европарламентга янги спикер сайланди

Италиялик социалист Давид Сассоли Европарламентнинг янги спикери этиб сайланди, деб хабар берди Reuters.

Сассоли бу лавозимда яқин икки ярим йил давомида фаолият олиб боради. 

63 ёшли Сассоли флоренциялик бўлиб, дастлаб журналистика билан шуғулланган. Сўнгги 10 йил давомида у Европарламент депутати бўлган.

Аввалроқ ЕИ етакчилари тузилманинг бошқа раҳбарлик лавозимларига номзодларни келишиб олишгани маълум қилинганди.

Евроиттифоқ етакчилари Жан-Клод Юнкер кетганидан сўнг Еврокомиссияга ким раҳбарлик қилиши борасида бир қарорга келишлари учун бир суткалик музокаралар камлик қилди. Унинг ўрнига асосий номзод этиб Нидерландия ташқи ишлар вазири Франс Тиммерманс ҳисобланаётганди.