Америкалик миллиардер ва АҚШ президенти сайловлари иштирокчиси вафот этди

АҚШнинг Техас штатида тадбиркор, миллиардер ва АҚШ президенти сайловлари иштирокчиси Росс Перо 89 ёшида вафот этди. 

Перонинг вафот этгани ҳақида унинг оиласи маълум қилган. The Hill нашрининг хабар беришича, февраль ойида миллиардерда оққон касаллиги аниқланган.

EDS ва Perot Systems компаниялари асосчиси бўлган Перо ўз бойлигини ахборот технологиялари соҳаси орқали тўплаган.  

У 1992 ва 1996 йиллардаги президент сайловларида мустақил номзод сифатида иштирок этган.