Вашингтон Анқаранинг F-35 қирувчиларини ишлаб чиқариш дастурида иштирок этишини тақиқлади. Тақиқ сабаби – Туркия ҳукуматининг Россияда ишлаб чиқарилган С-400 зенит ракета мажмуаларини сотиб олиши, дейилади Оқ уй баёнотида.
Ҳужжатда таъкидланишича, Американинг F-35 қирувчи-бомбардимончи самолётларидан Россия жосуслик техникаси билан ёнма-ён фойдаланиб бўлмайди. С-400 тизимини сотиб олиш НАТО аъзоларининг Россия қуролланиш тизимларини сотиб олмаслик мажбуриятига путур етказади.
Пентагоннинг маълумот беришича, Туркиянинг F-35 қирувчиларини ишлаб чиқариш дастуридан чиқиши унинг тўққиз миллиард долларга яқин инвестицияни ололмаслигини билдиради. Ишлаб чиқаришнинг Туркиядан кўчирилиши АҚШга 500-600 миллион долларга тушади.
Аввалроқ АҚШ Туркияга F-35 қирувчи самолётларини сотмаслигини маълум қилганди.
