Ноқонуний «дорифурушлар» фаолиятига чек қўйилди

Фото: Давлат божхона қўмитаси ахборот хизмати

Мамлакатимизга сифати кафолатланмаган дори воситаларини яширинча олиб киришга бўлган уринишларга божхоначилар томонидан ўз вақтида чек қўйилмоқда.

“Тошкент” халқаро аэропортига хориждан учиб келган фуқаролар М.М., А.А. ва П.Д юклари белгиланган тартибда божхона назоратидан ўтказилди. Бу ҳақда Давлат божхона қўмитаси ахборот хизмати хабар бермоқда

Текширув жараёнида ушбу шахсларнинг юклари орасидан божхона назоратига тақдим қилинмаган ва жисмоний шахслар учун белгиланган олиб кириш меъёридан ортиқ бўлган жами 772 дона “Montalin” ҳамда “Samyun Wan” номли сифати кафолатланмаган дори воситалари борлиги аниқланди.

Ҳозирда мазкур ҳолатлар юзасидан текширув ишлари давом этмоқда.