Франция АҚШнинг "норманд форматига" киритилиши мумкинлигига изоҳ берди

Франция ташқи ишлар вазирлиги вакили АҚШнинг Донбасс бўйича музокараларга қўшилиши мумкинлиги ҳақидаги саволга жавоб берар экан, "норманд форматини" ўзгартириш масаласи кун тартибида йўқлигини айтди.

 “Франция можарони ҳал қилишга ва Минск келишувларини, хусусан, у фаол иштирок этаётган норманд формати доирасида амалга оширишга тўлиқ содиқ. Франция ва Германия АҚШнинг Украинадаги махсус элчиси Курт Уолкер билан доимий мулоқотлар ва яқин маслаҳатлашувларни қўллаб-қувватлайди. Норманд форматини ўзгартириш кун тартибида йўқ", деди Франция вакили брифингда.