Жеймс Бонднинг 1965 йилда ишлаб чиқарилган, қатор жосуслик функциялари билан жиҳозланган Aston Martin DB5 автомобили АҚШнинг Монтерей шаҳрида ўтказилган Sotheby's аукционида 6,4 миллион долларга сотилди.
"Дунёдаги энг машҳур автомобиль - Жеймс Бонднинг 1965 йилда ишлаб чиқарилган Aston Martin DB5 автомобили 6,4 миллион долларга сотилди. Sotheby's аукциони Монтерейда DB5 бўйича янги рекорд ўрнатди!", - дейилади Sotheby's аукционининг Twitter аккаунтида.
Мазкур автомобиль Жеймс Бонд ҳақидаги фильмларни реклама қилиш учун яратилган ва экранларда ҳеч қачон кўринмаган.
Автомобиль давлат рақамини алмаштирадиган механизм, суриладиган ўқ ўтказмайдиган орқа парда, катапультали кресло, шиналарни тешадиган ускуна ва тутунли граната отадиган тизим билан жиҳозланган.
