Марғилонда очиқ қолдирилган дарвоза орқали кирган ўғрилар ушланди

2019 йил 11 август куни Фарғона вилоятининг Марғилон шаҳри Янгиобод МФЙда яшовчи 44 ёшли И.П. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

У шу куни соат 13:40ларда номаълум шахслар уйига очиқ қолган дарвозаси орқали кириб, хонасидан 17 000 АҚШ доллари ва 3 200 000 сўм пулларини ўғирлаб кетганлигини маълум қилган.

Кўрилган чоралар натижасида ушбу жиноятни Марғилон шаҳар Янгибоғ МФЙда яшовчи 18 ёшли И.Т., Ипак йўли МФЙда яшовчи 22 ёшли С.О. ва 18 ёшли М.Т.лар содир этганликлари аниқланиб, ушланганлар. 

Ҳолат юзасидан жиноят иши қўзғатилиб,тергов ҳаракатлари олиб борилмоқда.