Ҳонгконгда мактаб ўқувчилари маъмурият раҳбарининг истеъфосини талаб қилишди

Фото: Kai Pfaffenbach / Reuters

Ҳонгконг марказида бир неча юз мактаб ўқувчилари норозилик намойиши ўтказишди. АР агентлигининг хабар беришича, улар "Ҳонгконгга озодлик" дея қичқиришган ва маъмурият раҳбари Кэрри Лэмнинг истеъфосини талаб қилишган.

Ҳонгконгдаги намойишлар 11 ҳафтадан буён давом этмоқда. Намойишлар ҳукуматнинг жиноятда гумонланаётганларни Хитойга экстрадиция қилиш тўғрисидаги қонунни қабул қилиш режасига қарши бошланганди.

Намойишчилар 23 август куни шаҳар кўчаларида Эстония, Латвия ва Литвада 1989 йил 23 августда ўтказилган намойишларни хотирлаб жонли занжир ҳосил қилишмоқчи. 1989 йилда бу республикалар аҳолиси узунлиги 670 километрли жонли занжир ҳосил қилишиб тинч намойиш ўтказганди.