Ямандаги турмага зарба берилиши оқибатида 86 киши ҳалок бўлди

Фото: AP/Mohammed al-Qadhi

Яманнинг марказий қисмидаги Дамар вилоятида жойлашган турмага авиазарба берилиши оқибатида 86 киши ҳалок бўлди.

Аввалроқ ҳусийлар араб коалицияси авиазарбаси 60 кишининг ҳаётини олиб кетгани, 50 киши яраланганини маълум қилишган. Ўз навбатида, коалиция ушбу айбловларни рад этиб, зарба ҳусийлар ҳарбий объектига берилганини айтган.

Таъкидланишича, ҳужум маҳаллий вақт билан 31 августда кечки соат 23да бошланган. Айни вақтда Қизил яримой гуруҳи томонидан вайроналар остидан 86 жасад чиқариб олинган. Вайроналар остида яна ўнлаб жасадлар қолмоқда.