Ар-Риёд нефть объектларига ҳужумда қўлланган дронларнинг бўлакларини кўрсатди

Саудия Арабистони мудофаа вазирлиги нефть конларига ҳужум қилишда қўлланган дронлар бўлакларини кўрсатди. Буни Al Arabiya телеканали намойиш қилди.

Мудофаа вазирлиги вакили Турки ал-Маликийнинг айтишича, Эрон ҳужумни Ямандан бўлгандек қилиб кўрсатишга уринаётганига қарамасдан, ҳужум у ердан амалга оширилмаган.

Турки ал-Маликийнинг таъкидлашича, ҳужум вақтида шунингдек қанотли ракеталар, умумий ҳисобда 25 та дрон ва ракета қўлланган. Дронлар яманлик ҳусийлар аввал қўллаган дронлардан фарқ қилади. Ал-Маликийнинг қўшимча қилишича, ҳужумлар вақтида Эроннинг Delta Wing UAV дронлари қўлланган.