Қўшимча функционаллар
-
Тунги кўриниш
Ўзбекистон пахтасини энг кўп ҳажмда сотиб олувчи давлат маълум қилинди
Ахборот ва оммавий коммуникациялар агентлигида Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси мансабдор шахслари иштирокида матбуот анжуман бўлиб ўтди.
Инспекция ҳузуридаги пахта маҳсулотини сертификатлаш бошқармаси бошлиғи Зоҳид Тошматов Kun.uz мухбирининг Ўзбекистон пахта етиштирувчи давлатлар орасида нечанчи ўринни эгаллаши ҳақидаги саволига республика пахта етиштирувчи давлатлар етакчи ўнталигига ва пахта толаси сифати бўйича етакчи бешталикка киришини маълум қилди.
Шунингдек, Тошматовнинг таъкидлашича, Ўзбекистон пахтасини энг кўп сотиб олувчи хорижий давлат Хитой ҳисобланади.
“Ўзбекистон пахтасининг асосий харидорлари маҳаллий ишлаб чиқарувчилар ҳисобланади. Пахтанинг 90 фоизини маҳаллий корхоналар харид қилди. Хориждаги энг йирик харидор Хитой Халқ Республикаси ҳисобланади”, деб айтган Тошматов.
Унинг таъкидлашича, ўзбек пахтасини сотиб олувчи давлатларга сифат учун қўшимча нарх белгиланган.
Мавзуга оид
21:42 / 21.12.2025
Ўзбекистонда 9 ойда энг кўп чақалоқ Самарқанд вилоятида туғилган
22:17 / 17.12.2025
Ўзбекистон дунёда сайёҳлар оқими энг тез ўсаётган мамлакатлар қаторига кирди
19:32 / 15.12.2025
Киши бошига табиий бойликлар: Саудияда 1 млн, Россияда 520 минг доллар. Ўзбекистонда-чи?
18:58 / 14.12.2025