Тожикистонда россиялик ҳарбийларга пичоқ билан ҳужум қилинди

Тожикистонда пичоқ билан ҳужум қилиниши оқибатида россиялик икки ҳарбий жароҳатланди. Бу ҳақда РИА Новости хабар берди.

"Хатлон вилояти маъмурий маркази Бохтар шаҳридаги 201-Россия ҳарбий базаси бўлинмасининг икки ҳарбий хизматчиси шахсий ишлари билан шаҳарда юрганида ақлан носоғлом шахс уларни пичоқ билан жароҳатлаган", — деб маълум қилди агентлик суҳбатдоши.

Тожикистон ИИВнинг маълумот беришича, ҳужум қилган шахс руҳий касалликлар шифохонасида рўйхатда туради.

Жароҳатланган ҳарбийлар Душанбедаги касалхоналардан бирига етказилган.