«Ўзбекнефтгаз» раисига янги биринчи ўринбосар тайинланди 

«Ўзбекнефтгаз» АЖ бошқарув раисининг янги биринчи ўринбосари тайинланди. Бу ҳақда Энергетика вазирлиги хабар қилмоқда.

Қайд этилишича, Шаҳзод Шуҳратович Алиризаев «Ўзбекнефтгаз» АЖ бошқарув раисининг биринчи ўринбосари лавозимини эгаллади. 

Ш. Алиризаев бунга қадар «Нефтгазинвест» МЧЖ директори вазифасини бажарувчи сифатида ишлаб келган.

Жорий йилнинг июль ойи охирларида «Ўзбекнефтгаз» бошқарув раисининг 4 нафар ўринбосари лавозимга тайинланганди.

Ундан аввалроқ, «Ўзбекнефтгаз» бошқарув раисининг биринчи ўринбосари Улуғбек Сайидов Баҳодир Эшмуратов ўрнига «Ўзтрансгаз» раиси лавозимига тайинлангани хабар қилинганди.