Қўшимча функционаллар
-
Тунги кўриниш
Бекободда боғча болалари овқатдан заҳарланди
Фото: Getty Images
Тошкент вилояти ҳокимлиги ахборот хизмати Бекобод шаҳридаги 15-сонли мактабгача таълим муассасасида содир бўлган ҳолат юзасидан баёнот билан чиқди.
Қайд этилишича, бугун соат 09:30ларда Бекобод шаҳридаги 15-сонли мактабгача таълим муассасасининг тарбиячилари 2 нафар тарбияланувчи ўзини нохуш ҳис қилаётганини сезишган.
Зудлик билан болалар мутахассис шифокор кўригидан ўтказилган. Тиббий текширув давомида, уларга овқатдан заҳарланиш тўғрисидаги дастлабки ташхис қўйилган.
Ўз вақтида кўрилган чоралар натижасида, муассасанинг қолган барча тарбияланувчилари тиббий текширувдан ўтказилган. Текширув мобайнида яна 9 нафар болада овқатдан заҳарланиш эҳтимоли аниқланган. Айни пайтда улар шаҳар юқумли касалликлар шифохонасига жойлаштирилган.
Ҳозирги вақтда болаларнинг аҳволи қониқарли, вазият шифокорларнинг қатъий назорати остида.
Мазкур ҳолат бўйича ички ишлар ва прокуратура идоралари томонидан тегишли текширув ишлари олиб борилмоқда.
Мавзуга оид
19:10 / 10.01.2026
Nestlé NAN хавотири: болаларда заҳарланиш белгилари борлиги айтиляпти
10:34 / 16.12.2025
Бекободда машинада одам уриб ўлдириб, жасадни каналга оқизиб юборган “опер”га хотини ёрдамлашгани маълум бўлди
15:00 / 28.11.2025
Германиялик оила Истанбулда инсектицид билан заҳарланиш оқибатида вафот этди
12:23 / 12.11.2025