Кипр президенти самолёти носозлик сабабли Нью-Йоркка қайтишига тўғри келди

Фото: AP Photo/Petros Karadjias

Бортида Кипр президенти Никос Анастасиадис ва мамлакатнинг бошқа расмий шахслари бўлган самолёт носозлик сабабли Нью-Йорк аэропортига қайтишига тўғри келди. Бу ҳақда 29 сентябрда РИА Новости ахборот агентлиги хабар берди.

Гап хусусий самолёт ҳақида бориб, Кипр делегацияси БМТ Бош ассамблеясининг Нью-Йоркда ўтган сессиясидан Кипрга қайтаётган бўлган.

Newsbomb портали маълумотларига кўра, парвоз вақтида самолётнинг олд ойнаси билан муаммолар юзага келган. Экипаж Лондонгача учмасликка ва аэропортга қайтишга қарор қилган.

Самолёт Нью-Йоркда тунги вақт қўнган. Анастасиадис ва унга ҳамроҳлик қилган делегация аъзолари меҳмонхонада қолишган. Улар 29 сентябрь кечки вақт учиб кетишлари кутилмоқда.

Аввалроқ Нью-Йорк аэропортига Покистон бош вазири Имрон Хон бошчилигидаги делегацияси қайтишига тўғри келганди. Делегация самолётида Торонто аэропортига яқинлашиб қолганда муаммолар аниқланган.